BENVIDAS E BENVIDOS

Somos un grupo de mestras de Educación Infantil que desenvolvemos o noso traballo nesta etapa en centros públicos galegos.
O noso grupo chámase TORQUE e a través deste nome iremos reflictindo neste blog que acaba de "nacer" (despois de 3 anos traballando coas ciencias), as nosas experiencias nas distintas escolas nas que impartimos docencia.
De forma conxunta, en reunións semanais, programamos o noso traballo, analizamos novas propostas, intercambiamos as nosas experiencias, deseñamos actividades, actualizamos os nosos coñecementos e decidimos a nosa participación en proxectos e iniciativas educativas.
Nosotras somos:

Silvia GONZÁLEZ VILARIÑO

Sandra OTERO LEMOS

Sandra REAL NIMO

Mª Fe TABOADA FERNÁNDEZ

Laura VALIÑO LEMOS

Mª Dolores VÁZQUEZ CAMINO

Mª Ángeles VIDAL LÓPEZ

O propósito deste blog é compartir as nosas experiencias no campo da Educación Infantil (3-5 anos), especialmente no que se refire á introducción da ciencia no aula.

O noso único obxectivo é educativo, non habendo intereses de ningún outro tipo.Os textos, informacións, materiais, debuxos, fotos,etc., que aparecen neste blog non teñen ningunha intención fora do marco educativo, e o seu uso por outras persoas, en calquera ámbito e medio,  é da súa única e exclusiva responsabilidade.

Para levar a cabo as experiencias cos nenos/-as, temos en conta os seus coñecementos previos. O que se pretende é ensinar aos nenos e nenas a "aprender a aprender", a través da súa propia acción. Isto condúceos directamente a unha modificación dos seus esquemas de coñecemento, asegurando así, a construcción de aprendizaxes significativas, fundamentais para o seu desenvolvemento.

Ademais, dado que a actividade é a súa fonte de aprendizaxe, durante todo o proceso de aprendizaxe-aprendizaxe, motivamos aos alumnos/as para que se sintan atraídos cara os aspectos relacionados coas ciencias. Deste xeito conseguimos estimular a súa creatividade, a imaxinación e a observación, así como a acción e a experimentación. Todo isto é preciso para que os nenos e nenas expresen os seus intereses, descubran as relacións, as propiedades dos obxectos, etc.
Para favorecer isto, preséntanse as actividades cunha dificultade adaptada as súas posibilidades, xa que a motivación positiva e os pequenos logros diarios son fundamentais na metodoloxía empregada.

É o método científico o que nos guía nas propostas e actividades: 

- Observar

- Preguntar

- Facer hipóteses
- Experimentar

- Extraer conclusións

- Transmitir resultados

- Novos descubrimentos

1. Proposta e elección do tema

2. Motivación

3. Recollida de ideas previas

4. Facemos preguntas

5. Formulamos hipóteses

6. Fontes de documentación

7. Propoñemos experimentos

8. Extraemos conclusións